ഇണ്ടിളയപ്പന്‍ ക്ഷേത്രം ശ്രീരാമ ക്ഷേത്രത്തിന്‍റെ തെക്ക് വശത്തായി സ്ഥിതി ചെയ്യുന്നു. ഇണ്ടിളയപ്പന്‍ പ്രതിഷ്ട്ടയാണ് ഇവിടുത്തെ സ്വയം ഭൂവായ ആദ്യ ക്ഷേത്രം. മീനത്തിലെ കാര്‍ത്തിക മുതല്‍ 8 ദിവസത്തെ നായ്‌ വെയ്പ്പ് ഉത്സവം. ഈ രോഹിണി ഉത്സവ നാളില്‍ വെളുപ്പിന് ഇവിടെ മുസ്ലിം സമുദായക്കാര്‍ മത്സ്യ വ്യാപാരം നടത്തുന്നു. ഈ അപൂര്‍വമായ ആചാരം കേരളത്തില്‍ ഇവിടെ മാത്രമാണ് ഉള്ളത്. അന്നേ ദിവസം ഉപ്പും, ചുണ്ണാമ്പും വാങ്ങുന്ന ആചാരവും ഉണ്ട്. അന്നേ ദിവസം എല്ലാ മതസ്ഥര്‍ക്കും ക്ഷേത്ര ദര്‍ശനം അനുവദിച്ചിട്ടുണ്ട്. ഭരണി നാളില്‍ വേടര്‍ സമുദായക്കാരുടെ പൊങ്കാല, കാര്‍ത്തിക നാളില്‍ കുറവര്‍ സമുദായക്കാരുടെ തലയാട്ടം കളി എന്നിവയും ഉണ്ട്. വെളാര്‍ സമുദായക്കാര്‍ കളി മണ്ണ് കൊണ്ട് നായ്‌ രൂപമുണ്ടാക്കി ശ്രീകോവിലില്‍ ഏല്‍പ്പിക്കുന്ന ചടങ്ങ് ഉള്ളത് കൊണ്ടാണ് ഇത് നായ്‌ വെയ്പ്പുല്സവമായി അറിയപ്പെടുന്നത്.